Frá og með 16. febrúar mun Danól hefja sölu og dreifingu á Look O Look sælgætinu hér á landi. Vörumerkið hefur verið til staðar í íslenskum verslunum um árabil og nýtur sterkrar stöðu í sælgætisflokknum.

Look O Look er í eigu Perfetti Van Melle, alþjóðlegs framleiðanda sem á meðal annars vörumerkin Smint, Chupa Chups, Fruittella og Mentos. Perfetti Van Melle hefur nú valið Danól sem nýjan dreifingaraðila Look O Look á Íslandi.

Look O Look er þekkt fyrir litríkar, skapandi og skemmtilegar sælgætisvörur þar sem leikgleði og upplifun eru í forgrunni. Í vörulínunni má finna bæði klassískt sælgæti og svokallaðar „fun candy“ vörur, svo sem nammi-pizzu, nammi-hamborgara og aðrar frumlegar útfærslur sem vekja athygli í hillum verslana. Vörumerkið býður upp á fjölbreytt úrval í mismunandi bragðtegundum og formum sem höfða til breiðs hóps neytenda.

Með Look O Look styrkir Danól enn frekar stöðu sína í sælgætisflokknum og bætir við spennandi vörumerki með sterka ímynd og góða markaðsfestu.